dr nouf about chin filler

هل فيلر الذقن وخط الفك يناسبك فعلاً؟

أوكي حان الوقت إني أعرفكم عن فيلر الذقن ، و أعلمكم نقاط مهمة جدا جدا جدا قبل ماتحجزون موعد معاي أو مع أي طبيب :

فيلر الذقن يحتاج مهارة معينة فالحقن وطريقته تخلي الويه ناعم بس متناسق أكثر ، مب لازم يوصل الذقن لين الرقبة أو لين الركبة عشان يبين، هههه أسولف ..

بس إذا تحقق التناسق المطلوب خلاص خليه ٩ شهور إلى سنة ، وعقب نسويه مرة ثانية ..

فيلر الذقن مابيشل الدهون المتراكمة في منطقة الذقن المزدوج وأحط خمسين خط تحت منطقة الذقن المزدوج، ماراح يشل الدهون، بس يعطي خدعة بصرية إن ماعندج ذقن مزدوج لأن فيلر الذقن صار أوضح وشد العضلة الموجودة تحته، أما الدهون فالفيلر مايقدر يذوبها أو يشلها ، أوكي دكتورة ليش كل الحالات اللي تحطينها الدبل شين مختفي، مش كل الحالات في بعض البنات كانت عندهم العضلة مترهلة وشدت فعلا بالفيلر ، وسماكة الجلد عندهم مسكت الفيلر بطريقة قوية بس الدهون موجودة، ماراحت ..

يعني نتفق أول اتفاق إذا عندنا دهون فالذقن المزدوج ماراح تختفي بالفيلر

ثاني شي :
الفيلر للجولاين لايصلح لكل البنات، لا يصلح، شو هي الحالات اللي نقدر نسوي فيها الفيلر للجولاين ويطلع حلو حتى بعد سنة وماتندمين :
١- شكل الويه ( طويل وضعيف )
٢- ماعندج تراكم دهون أو طبقة دهنية حول زاوية الفك . ( تخيلي فوق الدهون تحطين فيلر ، بتطلعين من العيادة فرحانة وبعد فترة بتقولين ليش أحس مب عايبني، لأن انحط فالمكان الغلط وزاد حجم الويه من تحت وصار الويه مربع) .
٣- مايكون شكل الويه مدور .
٤- إذا ياية تسوين جولاين للجهتين وحاطة في بالج إبرة، لاتاخذين الموعد لان بتطلعين زعلانة وبتضيعين وقتج ووقت العيادة، الجولاين يحتاج عدد إبر أكثر لأن كاننا نرسم ونشكل عظمة مستحيل يصير بابرة .

وايد بنات طلعوا زعلانين لأني رفضت الإجراء، الطبيب عنده القرار ويشوف اللي يناسبج، أنا أشوف وايد ويوه فاليوم وأعرف اللي يناسب هذه مابيناسب هذه.

نصيحة :

خذي اللي يناسبج وإتركي الموضة والدارج في عالم الفيلر، الجولاين والذقن ممكن يناسب صديقتج ويطلع خيال عليها، ومايناسبج إنتي، كل بنت جميلة بطريقة معينة ، عيون هذه وشفايف هذه وخدود هذه وبياض هذه وسمار هذه، إتركوا الإختلاف يطلع جمالكم أكثر .

ونلتقي في البلوق الياي …

Share with Friends | شارك مع الأصدقاء
Share on email
Email
Share on twitter
Twitter
Share on linkedin
LinkedIn
Share on whatsapp
WhatsApp
Share on facebook
Facebook

Treat Yourself

Book Your Appointment

Send us your name, phone number, email and preferred days for an appointment and we shall call you as soon as possible to schedule your appointment

Our Address

Dubai | Silicon Oasis | Nibras Oasis 2

Opening Hours

Call Us

+9715543611600

+97143269666

Get Social