dr nouf on 5 habits

خمس عادات تسرع من شيخوخة البشرة

مابتكلم وايد واعطي نصايح .. لأن الحياة والمسؤوليات كثيرة … الشغل والسواقة والقلق من كل الأمور الحياتية …أنا هني عشان أعطيكم الزبدة من كل المعلومات اللي تقرونها ومانعرف شو المصدر …

من ندخل العشرين وهو عمر الزهور وريعان الشباب … كل همنا هو أفضل فاونديشن وأاحلى هايلايتر و أكثر ايلاينر سواده فاحم … بس عشان نغير وندلع الروح اللي فينا ..

ومن ندخل الثلاثين نبدأ نوقف عند ستاندات العناية بالبشرة … لأن نلاحظ المكياج مو حلو وصافي مثل قبل … أو صديقة مثلاً قالت ليش الفونديشن مخرب ويهج .. ونبدأ نسال عن أفضل ماسك وأحسن  كريم للعيون .. وأفضل سيروم يحمينيا من ظهور التجاعيد ..

ومع الأربعين والخمسين تبدأ العملية تصير أكثر جراحية وباستخدام الليزر و أجهزة الراديوفريكونسي و الالتراساوند… عشان نحيي الربيع في داخلنا .. ونحس أن بعدنا صغار .. حقيقة في داخل كل بنت حتى لو أنكرت ..

اليوم بنتكلم عن العادات اللي تسرع شيخوخة بشرتنا .. وتطلع التجاعيد أسرع ..وتخطف نضارة ومرونة بشرتنا أكثر ..

  1. قلة الرياضة : الرياضة مفهوم احنا ماخدينه عشان ننزل الوزن وبس, حتى لاحظوا لما نشوف بنت ضعيفة فالجيم نقول هاي ليش هني . غلط طبعا .. لازم نغير مفهوم الرياضة ونخليه جزء من أسلوب حياتنا حتى لو كانت رياضتج مشي فقط .. نبدأ بيوم فالاسبوع نتم شهر بس مرة فالاسبوع نسوي أي نوع نحبه من الرياضة ولمدة نص ساعة بس ..والشهر اللي بعده نزيد يوم .. صاروا يومين  والشهر الثالث صاروا ثلاث أيام إسبوعيا .. ثلاث ايام فالإسبوع كبداية هي إنجاز عظيم بالنسبة لي .
  2. السهر المتواصل : لما أجسامنا تكون متعودة على السهر أو تنام أقل من 6 ساعات .. ينفرز عندنا هرمون اسمه الكورتيزول .. المعروف بهرمون القلق والسترس .. هذا ا الهرمون من مضاعفات زيادته المستمرة هو تكسير البروتينات فالجسم أو سرعة تكسيرها .. ومن هذه البروتينات :البروتينات المسؤولة عن تصنيع الكولاجين, وهذا الشي ممكن أن يسرع من شيخوخة بشرتنا وظهور التجاعيد بشكل أسرع وبهتان دايم بالبشرة.
  3. الزعل مع الماي : قلة شرب الماي قد تؤدي إلى فقدان نضارة وترطيب البشرة الداخلي .. لو شفنا تحت المجهر بشرة بنتين وحدة مواظبة على شرب الماي والثانية لا.. راح نشوف الفرق .. هدا طبعاً غير عن أعراض الجفاف والتعب والاكتئاب المستمر ..
  4. قلة أكل الخضروات والمكسرات : الخضروات غنية بأهم الفيتامينات للبشرة ومنها الفيتامين سي وفيتامين اي والبيتاكروتين وهي أعمدة أساسية لبشرة صحية وشابة …وايد دراسات أثبتت كل ما كثرنا من الورقيات مثل السبانخ والكيل كل ما أحيينا بهتان بشرتنا .. والمكسرات وأهمها الجوز لأن فيها  كنز من مضادات الأكسدة والدهون المفيدة لأجسامنا . زينوا فيه طاولاتكم وخلوه سناك العصر وانتوا تسولفون .
  5. القلق الزائد: أهم شي في هذه الحياة هو نفسج .. مهما كان يومج صعب .. مديرج صرخ عليج وزميلتج قالتلج كلمة زعلتج .. فالبيت إزعاج ومافي وقت لنفسج .. في الحياة إحنا مختلفين .. بس لاتنسون مختلفين وأحرار .. لنا حق العيش بالطريقة اللي تناسبنا .. اطردي أي إزعاج باليوغا بالمساج .. ولاتنسين تعيشين لان يومج اذا راح ماراح يرجع .. ونفس الإنسان غالية جداً فليش ماندلعها لأننا نستحق الجميل دائما .. وليس أقل ..عودي عضلات وجهج عالابتسامة .. وعودي نفسج على الامتنان .. صدقوني بتستمعون أكثر…وبشباب السنوات اطول …
Share with Friends | شارك مع الأصدقاء
Share on email
Email
Share on twitter
Twitter
Share on linkedin
LinkedIn
Share on whatsapp
WhatsApp
Share on facebook
Facebook

Treat Yourself

Book Your Appointment

Send us your name, phone number, email and preferred days for an appointment and we shall call you as soon as possible to schedule your appointment

Our Address

Dubai | Silicon Oasis | Nibras Oasis 2

Opening Hours

Call Us

+9715543611600

+97143269666

Get Social

One Response

Comments are closed.